服務條款 v0.2

管轄：香港法｜營運者：店單／MenuLink｜定稿日：2026-10-16｜聯絡：bodetechnologyhk@gmail.com

服務係咩

提供網上餐單頁同短連結；客人撳掣後用官方 wa.me 開啟預填 WhatsApp 訊息。我哋唔係 WhatsApp／Meta；唔代收付款、唔接單、唔送餐、唔保證訊息必達或店主必覆。

1. 你對餐單、價錢、過敏原、供應、法例牌照（食物／商業登記等）全權負責。

2. 你保證上載內容真實、合法、唔侵權、唔誤導。

3. 因餐單錯誤、食物安全、交易糾紛、稅務引起嘅索償，由店主承擔；你同意就呢類索償賠償同開脫營運者（法律允許範圍內）。

4. 唔好收集／要求兒童提供個人資料作帳戶用途。

5. 首次發佈前你必須確認已閱讀並同意本條款同私隱政策。

你用公開連結即明白訂單經 WhatsApp 同店主直接完成；本平台唔係買賣合約一方。

禁止：違法、詐騙、垃圾、惡意軟件、侵犯他人權利、冒充、爬取濫用、用我哋商標誤導為 WhatsApp 官方。浮水印同品牌標示唔好移除（免費版）。

「WhatsApp」係 Meta 商標。本服務僅以技術連結方式打開 WhatsApp；品牌名「店單／MenuLink」同 Meta 無關。唔准用 WhatsApp／Meta logo 做你嘅店單品牌。

目前公開服務為免費層（可能有浮水印同頁尾廣告）。Pro／買斷若日後開放，條款同價目會另列並於開閘前公布；買斷一次付清之功能範圍以當日公布條款為準，唔構成「終身保證」。價格可改，改前會通知。

服務「按現狀」提供。喺法律允許下，營運者唔對間接損失、利潤損失、資料遺失負責；直接責任上限＝你過去 12 個月付畀我哋嘅費用（免費用戶＝0）。

我哋可因違約、違法或濫用暫停／終止帳戶。你可隨時停用同要求刪戶（電郵聯絡）。

網站公布後生效。爭議先善意協商；否則交香港法院。本版相對 v0.1：填入真實聯絡電郵；釐清免費層先上線、付費另列。